Hallo leef Beringe,
Normaal gesproke heij Berings Gezellig dit weekend ‘Koningsdaag 2020’ georganiseerd. Helaas kumt dit net as ‘Lekker Rundje Beringe mèt Pinkstere’ en ut ‘Pleinfiëst in augustus’, te vervalle vanwege Corona.
Mèr wae wille ut ondanks dae moeilikke tiehd aevegood un bietje Berings Gezellig make dit weekend. Daarum deile wae komende zatterdig 135 pakke ‘homemade muffins’ oeht, gratis en vûr niks (mer op is op)!
De pakketjes kome nao ug toe komende zatterdig tusse 17.00 en 19.00 oor.
Insjrieving geit op volgorde. De erste 135 minse die reagere via unne mail nao r.d.l.gielen@gmail.com of kboberinge@gmail.com kriege unne pak thoesbezorgd (en op is op).
Un aantal veurwaardes:
- Gae mot oeht Beringe kome.
- Straotnaam en hoesnummer doorgaeve in de mail is voldoende.
- Pakkette waere door os op 25 april bezorgd tusse 17.00 en 19.00 oor.
- Beij ut aafgaeve haoije wae 1,5 maeter aafstand.
En wat is dan precies de bedoeling?
- Gank thoes lekker aan ut bakke (alle ingrediënte inbegrepe, allein water toevoege)
- Op uch hoësadres kriegt idderein eine muffin.
- Alle overige muffins mosse oehtdeile aan eemes oeht Beringe dae get
klein geluk kin gebroehke, dink aan buure, femilie of dae einzame onbekinde.
- Deil de muffins oeht op Koningsdaag 27 april (dink auch dan wèr aan die 1,5 maeter)
- Maak eventueel un leuk berichtje van dien baksels vûr op social
media met de hashtag #beringsgezellig [1].
Geneet, lèt un bietje op elkaar en hopelik zeen wae os wèr beij Beringse Kermis!
Organisatie Berings Gezellig!
Ves van Rijt, Roger Gielen, John Theeuwen.
Dees aksie is mede mogelik gemakt door Jumbo Panningen.
#samentegencorona [2] #beringsgezellig [3] #alleskumtgood [4]