Hallo leef Beringe,
Normaal gesproke heij Berings Gezellig dit weekend ‘Koningsdaag 2020’ georganiseerd. Helaas kumt dit net as ‘Lekker Rundje Beringe mèt Pinkstere’ en ut ‘Pleinfiëst in augustus’, te vervalle vanwege Corona.

Mèr wae wille ut ondanks dae moeilikke tiehd aevegood un bietje Berings Gezellig make dit weekend. Daarum deile wae komende zatterdig 135 pakke ‘homemade muffins’ oeht, gratis en vûr niks (mer op is op)!

Tusse 12.00 en 13.00 oor staon al dees pakke klaor vûr uch, midde op ut kerkplein. En allemaol 1,5 maeter oeht elkaar. Koom gratis unne pak ophale, mer dink aan de RIVM regels (neet miër as 15 minse tegeliehk op ut Kerkplein aub).
En wat is dan precies de bedoeling?

1. Gank thoes lekker aan ut bakke (alle ingrediënte inbegrepe, allein water toevoege)!
2. Op uch hoësadres kriegt idderein eine muffin.
3. Alle overige muffins mosse oehtdeile aan eemes oeht Beringe dae get klein geluk kin gebroehke, dink aan buure, femilie of dae einzame onbekinde.
4. Deil de muffins oeht op Koningsdaag 27 april (dink auch dan wèr aan die 1,5 maeter)
5. Maak un leuk berichtje van dien baksels vûr op social media met de hashtag #beringsgezellig.

Geneet, lèt un bietje op elkaar en hopelik zeen wae os wèr beij Beringse Kermis!